Quizowend zu Ueschdrëf

Voll ausgebucht war de Quizowend am Kader vun de Feierlichkeeten "40 Joer Schoul Kietscht".

36 Ekippen si Freides owes nom After Work zu Ueschdrëf am Prossenhaus géinteneen ugetrueden fir hiert Wëssen an 10 Kategorien ze testen.

24 schéi Präisser waren ze gewannen, alleguerten vun Firmen oder Betrieber gesponsort. Dee ganzen Owend iwwer ass gesammelt ginn fir de gudden Zweck.

Dëst war dann och de Startschoss fir d'Aktioun "Mat ärer Hëllef entsteet eng Schoul" zesummen mat der ONG "Le soleil dans la main".

Entdeckt hei drënner e puer Fotoen déi de Charles Reiser op eisem Owend gemeet huet.

Villmols Merci u jiddereen deen do war!

Eis Equipes pédagogiques stellen sech vir (4)

D'Ekipp vum Cycle 4, och si stellen sech um internen Site (Aktivitéiten) mam Numm vir. Hei eng Foto, ween d'Kanner bei deenen läschten Schrëtt an der Ecole fondamentale begleet.

E Stopp fir de Mupp - Mir hu gewonnen

Den 21. Oktober war et esou wäit an d'Waarden hat een Enn.

Den Challenge tëscht de Gemengen aus dem Kanton Réiden, wéieng Gemeng di meeschten Kork-Stëpp sammelt, huet een éischte Bilan gezunn.

Am Ganzen sinn 3 Tonnen Stëpp gesammelt ginn, dest entsprëcht engem Montant vun 900 Euro.

Wann ee bedenkt, dass d'Finanzéieren vun engem Hond 17 500 Euro kascht, musse vill Kork- (mee och Plastik-) stëpp gesammelt ginn.

Eis Schoul a Maison Relais huet 687,5 kg Stëpp gesammelt.

Domadder hu mer am meeschten am Kanton gesammelt. Mee di 2. an 3. waren no hannendrun.

Lo heescht et fläisseg weider sammelen, dass mer eisen Wanderpokal och d'nächst Joer kënnen mat op Kietscht brengen.

Ee grousse Merci iech all!